Tíðindi

26. november 2021

Nema vann útboðið

Gjaldstovan og Nema skrivaðu í gjár undir avtalu um útgerð og veitingar til Skúlanet.

Skúlanet er maki til Landsnet og partur av heildarætlanini fyri føroyskar undirvísingarstovnar. Skúlanet veitir net, KT skipanir, KT trygd, teldur og brúkarahjálp, sum undirvísarar, næmingar og fyrisiting hava tørv á. Við avtaluni við Nema kunnu vit bjóða føroyska undirvísingarverkinum fyrsta part av eini vælvirkandi og munadyggari KT Heildarloysn.

Fimm tilboð komu inn aftaná almenna útboðið á Keypsportalinum. Nema átti besta tilboðið, og vórðu tey boðin til samráðingar. Avtalan er góðar 12 mió. kr. yvir fimm ár.

Við avtaluni fer Nema undir at veita skúlum uppseting, rakstur og viðlíkahald av neti.

Durita Tausen, varastjóri á Gjaldstovuni, og Guðny Langgaard, stjóri í Nema, skrivaðu undir avtaluna.

 

 

Leys størv
Her lýsa vit leys størv í samband við KT-heildarætlanina
Útboðsyvirlit
Her lýsa vit viðkomandi útboð í samband við KT-heildarætlanina